د افغانستان د استخراجي صنایعو په سکتور کې د استرالیا د کنفرانس له ګډون کوونکود پانګونې غوښتنه

کابل، افغانستان: د کانونو او پټرولیم وزارت سرپرسته نرګس نهان ( د طبیعي زیرمو او کانونو د کیندنې) په نړیوال کنفرانس کې د ګډون په موخه استرالیا ته تللې ده. پتیل شوېده دغه ستر نړیوال کنفرانس د اکتوبر له ۲۹نه د روان میلادي کال د نومبرتر لومړۍ نېټې د یادهیواد په ملبورن ښار کې ترسره شي.

په دغه کنفرانس کې د میرمن نهان د ګډون موخه د افغانستان د استخراجي صنایعو په سکتور کې د اصلاحاتو د رپوټ وړاندې کول او په یاده برخه کې د اصلاحاتو د دوام ډاډ په ګوته شوی دی.
د کانونو او پټرولیم وزارت سرپرسته به په یاد کنفرانس کې له پانګوالو وغواړي ترڅو د افغانستان د استخراجي صنایعو په سکتور کې پانګونه وکړي.
په استرالیا کې د طبیعي زیرمو او کانونو د استخراج په نړیوال کنفرانس کې به د استخراجي صنایعو په برخه کې د پانګونې په راجلبولو زیات تمرکز وشي.
د کانونو پنځه زره متخصصین، پانګوال، د توکو پېرېدونکي، تخنیکي متخصصین او د نړۍ څه د پاسه ۸۰هیوادونو نوښتګرپه دغه کنفرانس کې ګډون کوي.
د کانونو او پټرولیم وزارت له وړاندې د استخراجي صنایعو دسکتورپه اړه د تخنیکي همکاریو یوتفاهم لیک له استرالیا سره لاسلیک کړی دی.