د کابل د کانونو ریاست

د کابل د کانونو ریاست په ۱۳۹۲ کال کې د کانونو او پټرولیم وزارت په چوکاټ کې رامنځته شو، یا ریاست د عوایدو راټولو مدیریتونو، تفتیش، مالي او اداري او اجرائیه مدیرت لرونکی دی.

د کابل د کانونو رئیس لنډه پېژندنه:

دیپلوم انجنیر نعمت الله غورځنګ دنصرالله زوی په ۱۳۶۸ هجری لمریز کال د میدان ورګو ولایت دسیدآباد د شاطرو د کلی کی په یوه متدینه او روشنفکره کورنۍ کي دي پاني نړۍ ته سترګي غړولي دي په ۱۳۸۵ هجری لمریز کال کی یي خپلي لومړنۍ زده کړي د سیدآباد په عالي لسیه کی په عالی درجه سره بشپړي کړي وروسته دکانکور د ازموینی له لياري دکابل پولي تخنیک پوهنتون د جامدو ګټورو کانونو د رایستلو څانګي ته بریالۍ شو او په ۱۳۹۰ هجری لمریز کال کي يي دیاد پوهنتون نوموړي څانګه په لومړۍ درجه سره دلیسانس په سویه بشپړه کړه او دوهم لیسانس له استقلال پوهنتون څخه دسیول انجنیرۍ په څانګه کي لري اوس محال یي دکابل پولي تخنیک پوهنتون کي دجامدو اوګټورو کانونو په تفحص او پلټنه څانګه کي د ماسټري په کچه زده کړي دوام لري. دیپلوم انجنیر نعمت الله غورځنګ ۸ کاله کاري تجربه په خصوصی او دولتی سکتور په مختلفو برخو کي لري نوموړي بولویا او چلي هیوادونو په شمول بهرنۍ هیوادونو ته تحقیقاتی، مطالعاتي او رسمي سفرونه کړي دي اوخصوصا په دی ورستیو کی یی دکانونو دساتنی په کمیته په مختلفو ولایتونو کی دغیرقانونی او خپل سري استخراج کیدونکو کانونو او له کانونو څخه غیر قانوني ګټه  اخیستنو په پیژندولو او نښه کولوکي په پوره اخلاص او ریښتنولۍ سره هڅي لا دساینو وړ دي . داچي غورځنګ یوفعال ریښتینۍ او وطن دوست شخص دی نو ولسي جرګي، مشرانوجرګي،مدني ټولنو او کانونو او پټرولیم وزارت له خوا بار بار تقدیر شوي دي.

په ۱۳۹۵ کال کې د کابل د کانونو ریاست فعالیتونه او لاسته راوړنې

  •  د ۶۰ ریګریشنونو او خپلسرو تیږو ایستلو په نښه کول، امنیتي ارګانونو ته یې ورپېژندل ترڅو له د غیرقانوني استخراج مخه ونیول شي.
  •  د کابل په بیلابیلو سیمو کې له خصوصي شرکتونو سره په ۱۳۹۵ کال کې د ۲۴ تړونونو لاسلیک، چې له ډلې څخه یې ۱۱ قراردادونه د وزارت له خوا منظور او ۱۳ نور یې د منظوري له پاره وزارت ته استول شوي دي.
  • همدا ډول د ۱۳۹۵ کال کي د کابل د کانونو ریاست  (33562992) افغانۍ عواید راټول او د دولت خزانې ته وسپارلې.